Translate this text / Traduci e texto aki:    

Departamento di Cultura Aruba
o
V
o
S
©
z
Roland Narcisio Kock a nace na Aruba, dia 2 di september 1952. Na cuminsamento nan tabata yam’e “Chicho el feo”. Despues nan a laga “el feo” afo y a keda Chicho. Su tata yama Hose Maria Kock (dfm) y su mama Maria Kock. Chicho a nace na Weg Sero Blanco y despues nan a bay biba na Weg Sero Preto. Nan tabata ocho ruman. Nan a perde un y awor nan ta shete ruman te ainda. Chicho ta di cinco ruman. E no a casa nunca. E tin cuatro yiu muhe. Su yiu mayo yama Yahaira Jundru, su di dos yiu yama Kini Kariana Kock, despues ta sigui Katleen Carien Kock, e ultimo tin nuebe aña y su nomber ta Narisma Roulien Kock. Otro musico den famia ta su ruman homber mayor. E ta toca fio, trompet y ta un cantante tambe.
Segun Chicho e bida artistico a niñca su bida completo den musica
E tin cu gradici Dios cu el a nace cu e talento ey. Si e pensa bon, practicamente su bida completo tabata un bida di artista. E kiermen semper di su bida e tabata den musica. Tur su pan di cada dia cu e por a come, ta musica a paga p’e. Semper e tabata funciona como musico, sea den banda, den hotel, of cu steelband. Semper su entrada ta bin di e musica cu e ta practica. E n’ tabata mucho cos, pero bo por a biba cune, bo por a paga bo debenan. Awor ta un tiki mas dificil, ya cu bo debenan ta un poco mas halto, pero semper bo ta ahusta bo gasto na bo entrada. Kiermen henter su bida e ta den musica.
Segun (hicho su pan dl cada dla, la musica a paga p’e
E bida artistico
Chicho a cuminsa toca steelband, pues su prome instrument tawata steelpan. E1 a cuminsa bon, como mucha chikito di diesun aña Chicho a cuminsa cu The Invaders. Colony tabata un luga masha bunita mes, na unda tabatin hopi Americano ta biba. Nan ta toca casi tur diabierna na Rogers Beach y e luga ey ta converti su mes den un luga masha ameno. Ey Chicho a cuminsa, despues el a join Jumping Juwels hunto cu Ronnie Kock. Nan a participa na hopi competencia.
Esaki ta un grupo cu a siña Chicho hopi cos. Tambe el a cuminsa como guitarista, depues el a bay riba baho cu a keda su instrument principal. E ta toca diferente instrument. E por
toca drum, conga y timbal. En todo caso, e por defende su mes cu ne. No como profesional. E la toca den hopi banda aki aya, pero como profesional, Chicho a cuminsa cu Sensacion del Caribe, tocando baho y cantando coro. Pa nuebe aña nunca e tabata cantante (solista).
E ta corda cu e tabata biba na Hulanda y ey no tabata e caminda corecto p’e. Aya, como musico tabata hopi duro pa bo haya toca, mientras e distancianan na unda bo mester presenta tambe ta keda hopi leu fo’i otro. Esey no kiermen cu bo no ta toca. Bo ta toca den cafeetje aki aya. Despues Chicho a drenta un banda di famia, pero e tabata duro, ya cu bo tabata ensaya
Departamento di Cultura Aruba, Seccion Investigacion y Documentacion, Horizonte building L.G. Smith Blvd. 134 Pagina 1 prome piso tel. 5822185fax 5835034
mas cu bo ta toca! Pero na Aruba practicamente bo ta toca hopi. Bo ta toca cu hopi banda aki aya y bo ta move hopi y bo ta siña conoce hopi hende. Chicho a siña conoce y tabata bon amigo di Hector Lavoe (dfm). Nan a toca hunto den Bonaire Club cu Willy Colon. Den su trayectorio musical Chicho a siña conoce asina hopi artista y el a bira asina hopi pega cu nan. Bo ta sinti bo orguyoso di ta un musico y ta conoce tanto hende. Na 1982,

Chicho a yega di presenta cu “Gago” y nan a descualific’e! E no ta comprende te dia di awe pakico. Sinembargo, ta net “Gago” a haci Chicho mas famoso. Despues e aña siguiente Chicho a gana cu “Burachi no ta conta”. E tabata asina hopi aña den festival di tumba, cu Chicho ta kere den su totalidad e por a participa 39 biaha, di cua 36 pa 37 biaha e tabata den e finalistanan.
Chicho a cuminsa amplia su conocemento musical mas ainda. E tabata canta caba na aña ochenta y a bay festival di tumba, pero ningun hende no conoce, pasobra nunca el a presenta ainda como cantante. Pero na aña 1982, Chicho a wordo reconoci cu e prome cantica cu el a presenta y cu e publico a gusta, esta “E Burico”. E aña despues el a bin cu “Pal’i coco”, djey el a sigui bay te cu el a logra bira Rey di Tumba. Prome cu el a bira Rey di Tumba,
Cu e por corda cu festival di tumba, ta solamente dos biaha e no a cay den e fmalistanan. Tin ora bo ta “blank riba stage” pa cualkier cos. Door cu e ta toca baho, si e laga un otro bahista toca p’e y e haci un cos cu Chicho no ta sinti, e momento ey e ta perde palabra. Ora bo cuminsa perde palabra, bo ta sigui perde mas palabra.
E tumba ta bira un desastre!
Di un dia pa otro door cu e tabata toca guitara caba, Cecil Grovell (dfm) a acerca su tata, como Chicho mes tabatin solamente diescinco aña, cu e peticion pa e laga e yiu bin toca baho pa nan. Pero nunca antes, el a toca e instrument ey, e no tabata su instrument nunca! Por bisa den dos siman, Chicho a “pick up” cu ne. E tabata toca guitara, hopi ranchera. Asina el a keda practica su so y di e forma ey a cuminsa como bahista.
Dedicacion musical
Na cuminsamento Chicho a dedica su mes na baho, door cu esey nan a pidi’e haci den e banda Sensacion del Caribe. Pero despues el a hay’e ta cuminsa canta. Despues di Sensacion del Caribe, el a cuminsa canta den hotel aki aya. E mester a bira un cantante, pasobra e bandanan ta chikito. E mester a toca baho y canta. E tabata tocado di steelband tambe, e tabata toca base di e steelband, cu ta consisti di seis bari.
Departamento di Cultura Aruba, Seccion Investigacion y Documentacion, Horizonte building L.G. Smith Blvd. 134 Pagina 2 prome piso tel. 5822185fax 5835034 ^

Desaroyo musical
Bo ta desaroya bo mes den diferente cos. Por ehempel, Chicho tabata den grupo di Aguinaldo y tambe den un beat band. Bo ta desaroya bo mes den diferente ramo. Chicho a toca diferente instrument, manera cuatro, tambu, wiri y algun otro instrument di percusion. Asina bo ta siña conoce diferente instrument y kico ta nan funcion. E tempo ey ta un placer pa bo drenta y presenta cu un banda. E banda Sensacion del Caribe a toca conhuntamente cu hopi banda di otro pais, manera Cuco Valoy, E1 Gran Combo y Conhunto Quisqueya. E tempo ey tabatin hopi concierto tambe.
Activo den diferente agrupacion musical
Chicho tabata activo cu diferente grupo musical. Como profesional Chicho tabata cu Sensacion del Caribe pa nuebe aña, despues el a bay toca den hotel. Despues di hotel, el a bay Hulanda y el a toca den “Killing Ringelings”, baho, timbal y conga. Ora el a bin Aruba bek, el a join Musical Time, hunto cu Edwin Abath. E tabata cu nan pa shete aña, hunto cu Hildward Croes (dfm). Despues el a milita den Pride, esey tabata e ultimo grupo cu e tambe a yuda lanta. Actualmente Chicho ta canta y toca na diferente hotel.
E parti internacional
Cu Sensacion del Caribe, Chicho a biaha hopi. Nan a yega te Colombia. Cu Pride, el a bay Venezuela den e famoso show Sabado Sensacional. Tambe el a bay Punto Fijo. E tempo ey ta Campo Shell tabata manda y nan tabata “open act” pa Fantasma del Caribe y Europa.
Sugerencia pa futuro generacion
Un punto masha cardinal den su trayectoria musical Chicho a siña pa ta semper na ora. Si bo n’ ta cumpli, no tin trabou. Mustra cu abo por haci miho trabou. Comporta bo mes como musico. Pa bo haci presentacion wak pa bo tin e habilidad pa toca bo so. Sea bo tin di bay cu Ipad, cu computer, loke sea.
Chicho ta hacie na un manera profesional. E publico ta gosa di dje, aunke Chicho lo a prefera y kier bisa tur musico ta miho nan toca “live”. E resultado ta hopi diferente. Claro cu bo n’ por haci tur e zonidonan cu bo ta haya cu e mashin, pero e ta yuda bo musicalmente.
Awor hopi musico no tin trabou. Tin hopi drummer y trompetista cu no ta traha. Laga nos spera cu un dia cos por drecha y cu e hotelnan ta bay tuma por ehempel un “seven piece band” atrobe, cu entre otro trompet cu ta “live”. Chicho kier conseha e muchanan jong cu nan musica modemo, cu ta den nan temporada, miho nan bay studia musica of si nan a lanta cu e talento, purba domin’e mas miho.
E ta duna bo mas smaak di bay toca, pasobra bo no ta depende di e mashin. Chicho no kier descurasha ningun hende di nan estilo.
Departamento di Cultura Aruba, Seccion Investigacion y Documentacion, Horizonte building L.G. Smith Blvd. 134 Pagina 3 prome piso tel. 5822185fax 5835034
Tur hende cu por rap, dalbay cu esaki. Chicho no ta kere cu e ta un “rapero”, pero nunca e no a biba pensa cu e lo canta un reggeaton. E ta cantando reggeaton, pasobra esaki tambe ta forma parti di su trabou. Esey no ke men cu e ritmo aki ta malo. Ta bon pa bo tin un repertorio amplio y varia.Ta bon y tambe importante pa nos hobennan dedica nan mes na musica. Tin hopi hende kier toca un instrument. Tuma e curashi y bay les. Chicho mes ta loco pa toca piano, pero nunca el a pone un dede riba e instrument aki. No ta un cos facil pa yega bisa cu di awe pa mañan bo ta un musico. No, e ta tuma bo hopi aña di dedicacion serio.
Chicho como cantante
Chicho den finalista di Tumba Chicho a ricibi Premio Mo Tito
Chicho durante bautismo di LP hunto cu Hildward Croes (dfm)
Departamento di Cultura Aruba, Seccion Investigacion y Documentacion, Horizonte building L.G. Smith Blvd. 134 prome piso tel. 5822185fax 5835034
Pagina 4