DIAMARS 16 SEPTEMBER ASILOCAL
Varios edificio traspasa na “Monumenten Fonds” pa renobacion
ORANJESTAD -— Varios edificio monumental lo wordo renoba cu ayudo di Monumenten Bureau y Monumenten Fonds, y ya tin fondo disponibel pa nan, asina Minister di Cultura, sr. Otmar Oduber a bisa.
E mandatario kende encarga cu e maneho di edificionan monumental a declara na Bon Dia Aruba cu actualmente su ministerio ta ocupa cu diferente opcionnan cu tin entre otro ex oficina di Polis na Playa cu lo wordo renoba.
E mandatario a bisa cu si nos mira e edificio aki den e estado cu e ta awe no ta absolutamente esun original cu mester ta. Pues nan ta pensado den e edificio aki pa aloca oficina di turismo (ATA) cu kier ubica su mes den un monumento.
Igualmente e mandatario a haci referencia na e monumento y icono di Aruba, esta e Faro na West Punt. E ta resalta cu e monumento aki ta un atraccion turistico masha importante. El a bisa cu pron
po. A j mood
to e trabou di renobacion lo cuminsa ya cu e fondo destina pa e trabou aki ta cla. Ta asina cu gobierno a traspasa algun siman pasa e icono aki pa Monumenten Fonds cu ta bay restaura esaki, y e ta spera cu prome cu fin di aña e tra
bou ta cuminsa riba E Faro.
Ex edificio di Dow tambe ta den proceso di renobacion y el a laga sa na nos matutino cu ya gobierno a tuma un decision pa hunto cu Monumenten Fonds, lo traha riba e monumento aki pa haci esey oficina central di Censo.
Tambe tin e trabou di renobacion di Edificio di Algemene Rekenkamer Aruba (ARA) cu tabata edificio di Biblioteca Nacional antes pabou di Stadhuis cu tambe ta bay haya un mantencion. Igualmente edificio di famia Henriquez unda ta ubica Monumenten Bureau lo conoce un trabou di mantencion.
San Nicolas Tambe San Nicolas lo conoce algun monumento renoba. Minister Otmar Oduber a declara na Bon Dia Aruba
cu tin ex edificio di Nicolas Store cu lo wordo renoba y unda lo wordo ubica e museo
di San Nicolas. Tambe e edificio cu ultimamente a wordo ocupa pa Duana na e momento aki Monumenten Fonds ta ocupa hunto cu gobierno pa traspasa esaki y unda Departamento di Cultura lo ocupa e edificio aki. El a bisa cu tur edificio monumental ta nos herencia cultural tangibel cu nan kier transmiti pa nos futuro generacion. L]