Diahuebs, 14 Februari 2019
AWEMainta
dl
Departamento di Cultura cu un charla
Historia di Carnaval y su musica
DEPARTAMENTO di Cultura Aruba (DCA) bou auspicio Ministerio di Cultura den cuadro di su puntonan di prioridad cu ta educacion di Arte y Cultura ta organisa dos anochi di charla di Historia di Aruba su Carnaval.
DCA a acerca sres. Juby Naar y Roberto Geerman cu e idea aki y mesora tur dos a bay di acuerdo pa ta parti di e celebracion di Aruba su Carnaval.
Sr. Juby Naar lo elabora riba e historia di Aruba su Carnaval y sr. Roberto Geerman lo trata historia di Calypso y Roadmarch cu awe ta Caiso y Soca Monarch, tambe lo papia di Festival di Tumba.
Diamars mainta a reuni cu Juby y Roberto y pa cuadra
tur cos den otro p’e dos nochi di charla.
Uno lo tuma lugar otro siman diarazon 20 di februari, pa 7or pm na MFA Noord. E otro lo tuma lugar diahuebs 21 di februari, pa 7orpm na Museo di Carnaval na ex-Green Hill riba Bernhardstraat.
Nan lo bira anochinan interesante cu informacionnan
valioso di historia di Aruba su Carnaval.
Departamento di Cultura Aruba ta desea di invita henter e pueblo y amantenan Carnavalesco pa presencia
e charlanan aki, cu ta completamente gratis.