Full Text / Transcription of https://coleccion.aw/show/?BNA-DIG-POSTER-0002
Translate this text / Traduci e texto aki:     Translate this text


x
Q P Jtg
v eligi unanimemente , democraticamente, inteligentemente, cu aplauso,
respaldo y aceptacion di mayoria absoluto, pa un hurado di hende cu conoce bon , humor, pa e digno pueblo di Aruba; PRINS CARNAVAL 1985
REY di henter territorio liber pariba di brug;
Doño di Kibaima y tur otro prinsesa indian, pero soltera;
CASIQUE cu penacho di oro;
GRAN DUQUE di Zuid Cura Cabay Independiente
Comandante di Bario di Carnaval cu Status diferente, BRAZIL; EMPERADOR di SMAL, incluyendo territorio di Sea-Berth
Y
PANCHO DOBLA;
Pa destresa, inteligencia, sabiduria y gracia di PRINS HANCRA; SIRBIDOR di pueblo di Savaneta Pariba
GRAN MAESTRO di Byerlite y vecindario;
GENERAL di dos strepi geel y un strea corra, di Butucu y Palo Marga; TENIENTE GOBERNADOR di Rooi Master, Rooi Congo, Rooi Hundo y Rooi Spoki;
PATRONO protector di tur mosa cu Status Aparte,
CONSEHERO GENERAL di tur comision, y mision cu ta existi ariba isla di Carnaval, ARUBA;
CONSIDERANDO
Cu pa sigui mantene exito den celebracion di nos carnaval na Aruba, ta mas cu husto pa tuma e siguiente puntonan na consideracion;
TA DECRETA
1...Cu entrante awe CURA CABAY ta bira ciudad capital di Arubad durante henter temporada restante di CARNAVAL 31;
...Studionan di CANAL 90, e klompi Oro, ta bira nos Palacio Centr: Banda Riba , Banda Bao Fanclub ta bira nos Comitiva Real y We tambe Oficial,
...Presidente di Banda Riba Banda Bao Fanclub, Robert “A”Geerman E
ta bira miembro Honorario sin honorario, pasobra pa dos aña consecutivo el a produci mandatarionan carnavalesco,
...EU entrante awe, lo modifica cambio den cobranza telefonico, eliminando “telimpuls” y introduci na su lugar “aftrek-impuls;
-En bista di e critica y obhecion cu a bini di parti di orden di abogadonan y Trahadornan Social Preocupa, ariba “cachi candela” pa polisnan, nos a dicidi cu di awe en adelante, e arma oficial di polis lo consisti di arco cu flecha di indian, stichie, slinger y tambe blowpipe, esta e tubo pa supla pipita di boonchi. Tur esaki naturalmente despues di a consulta cu Alto Mando y cu cada polis a pasa den un entrenamento extensivo na Academia Policial di Rooi Congo;
...CU durante temporada di carnaval 31, como cu e pueblo a sufri bastante caba di aumento di tarifa di awa, y alavez cu spulamento di tuberia no a duna ningun bon resultado ainda cu solamente gastamento di placa di pueblo, nos a dicidi di suministra awa di pos gratis, refina y destila den planta di awa di rooi na Bucuti;
-Pa nos estudiantenan kendenan no ta bini na remarca pa obtene un beca di gobierno di Aruba of di Gobierno Central pa sigui nan estudio den exterior, nos ta decreta cu un persona di cada grupo cu participa den nos parada di carnaval, lo haya un beca di regalo. Nivel di estudio no ta haci diferencia den e caso aki. Sea cu e tin eerste klas Lagere School of hogere klas VWO, e ta haya beca basta cu e por demostra por escrito cu el a participa den nos'parada di carnaval 31, pero comportando su mes manera nos ta spera di un bon carnavalista y yegando te final di ruta. Si e falla cu e condicion aki e lo mester paga tur cos back, mas 31 opcenten; esta un opcent pa cada aña di carnaval.
...Nos ta decreta cu tin 5 lugar na Aruba cu nos lo cambia nan nomber entrante mañan. Franse Pas lo bira Berea Frances Meiveld ta bira Mitar Sabana Plantenrust ta bira Sosiego di mata
y, Morgenster ta bira Strea di Madruga
)) y Vader Piet ta bira Pachi Pe. Motibo di e cambionan aki ta cu dentro di algurrluna nos ta drenta den cambio estatal, pesey di awor caba mester cuminza cu ‘papiamentizacion’ di nos nombernan geografico.
...Nos a institui un comision pa propone tambe cambio di nombernan multinacional. E comision mester entrega proposicion pa nombernan nobo cu mester biní na lugar dí Lago Colony,
Lago Heights, Lago Ville, Esso Heights, Esso Ville, Lago Sport Park tambe Esso Servicecenter y Lloyd G. Smith Boulevard;
aji raai
FIBNASDIGS OSI ERSO00 24 ABIDITOTECA?
GFT/GVS/HCN
Nad
10..Durante concurso di calypso y roadmarch , nos a sinti e cayente d
musica y di hende. Ta bon mes cu awa a yobe sino nos lo a haya un ¿Y
explosion di grado mayor, debi na e aumento di ‘steam’ humano
Sport Park.
Tin un decision interesante cu nos a tuma en coneccion cu e
contest aki.
A) Lo sera aseguro colectivo pa tur participante y musico contra coríente y posibel daño na aparatonan musical pa motibo di yobida. `
B) lo nombra un persona special pa registra tur fanatico cu a baha cu griep of cu dengue, of cu nan presion a subi di mas e anochi ey. Tur fanatico cu a bira malo tin derecho ariba caarchi di doc-ter gratis sin intermediacion di diputado.
Awor ta bin e cos: Pa por eligi e persona spcial aki, como conocedor di tur reglanan di democracia, nos lo tene un referendum. Aunque nos sa di antemano kende e lo ta , e referendum lo dicidi ariba sea homber of muher, pa cumpli cu democracia existente ariba nos isla.
11...Pa motibo di inkrimping, nos a decreta cu lo elimina tur servicio di informacion di gobierno, y usa Centrale Post di polis diariamente pa tene nos pueblo informa dí acontecimentonan ariba nos isla, ya cu a keda constata cu tin mas scanner na Aruba cu tin radio y television. Como cu decision di gobierno ta cu lo no permiti trahamento di overtime, nos a dicidi di introduci trahamento extra ora aunque mester traha mas di 24 ora pa dia, ya cu den temporada di carnaval tur ley por sermodifica
12...COmo cu nos ta na altura di frustracion den seno di empleadonan publico pa motibo di 'Inlevering' a dicidi pa tene un loteria nacional cu un millon Arudollar na premio, pero sin aproximacion, E rteo lo tuma lugar dia di kimamento di momo. Tur envelop bashi di empleadonan publico lo bay den tombola di lotto pa carnaval y ta ser spera so cu nan lo no kima e anochi ey.
13 Como cu e personahe activo, respetabel y honorable di Carnaval, Sr. Edwin Zichem ta baha cu pension di SAC, a dicidi pa honre cu condecoracion den orden di Chubato Gengo, pero como cy Asoma a honre caba durante concurso di tumba, a di pa regale un klomp hulandes pa disfruta aki algun siman di Vierdaagse na Hulanda, cual caminata ta su hobby anual.
...pa soluciona problema di gasoline den futuro ta prohibi tur bar romshop, establecimentonan cu ta bende alcohol y importadornan di tin stock alcoholico den nan poder. E alcohol aki lo mester wordu deposil. den e planta pariba di Sea-Berth, pa ser convertí den gasoline pa futuro. Pa garantiza transportacion, lo importa ademas algun burico di'raza como reserva pa Arubus.
„Ta un tradicion cu anualmente ta mishi cu funcion di nos prome mandatario, E aña aki Nos gezaghebber lo tin un tarea di supervision,
A) nos ta mande ariba Sero Colorado pa vigila desmantelacion di Lago, pa motibo cu tin convenio cu e tereno mester keda LIMPI LIMPI
B) Nos gezaghebber lo din dos siman tambe pa supervisa
labamento di e pitch na Grapefield cual, prome cu carnaval caba mester keda LIMPI LIMPI, =
C) Cu colaboracion di Juancho Pablo, Gezaghebber lo participa den parada cu un Papamobil, pa proteccion contra webo batata of tomati putri cu amanan di cas lo por tira ariba dje pa e aumentonan drastico cu a ser tuma, E glas di e Papamobil lo percura pa nos gezaghebber keda LIMPI LIMPI.
D) Nos tin bon curazon tambe. Pa no laga nos gezaghebber muri di hamber durante su tareanan dificil, nos ta regale 4 papaya verde .( E ta gusta come papaya stoba bo sa!). Pero despues di casca nan e mester percura pa tira e casca den drum pa nos Aruba por keda LIMPI LIMPI.
CONCLUSION
Carnaval 31 mester keda algo exclusivo na mundo, E mester bira masha anima y alegre y mas principal , un atraccion incomparabel. Nos Carnaval mester keda marca historia como esun mas sigur na mundo, y esakinan lo ta posibel solamente cu cooperacion di un y tur, bon voluntad y participacion activo di henter comunidad. Duné tur apoyo posibel. Pa boso nan tur nos mihor deseonan pa un feliz carnaval 1985
Pancho Dobla ta keda encarga pa ehecuta e decreto aki di tal manera cu el a ser formula y presenta.
Duna, firma y sella
na Palacio Central y Castillo Presidencial, Aruba Isla di Carnaval
3 di Februari 1985
PANCHO DOBLA
DESIGNED & PRINTED BY :
STA TOD tab ala DFAE OSONA! Anuano (DIARIO) aw PON CentOS Ta ION!