Durante luna di mei PBS, e canal di television publico nacional na Merca, a entrevista sr. Peter Scholing di Biblioteca Nacional Aruba tocante e iniciativa di Coleccion Aruba, pa un segmento tocante digitalisacion, estadonan insular y e efectonan di cambio climatico riba islanan, cu e pregunta: “Con e islanan ta salbaguardia y duna aceso na nan coleccionnan cu ta sumamente importante preserva y conoce e historia, cultura y identidad di e islanan?”. Aparte di sr. Scholing tambe a entrevista Dr. Adi Martis, historiador Arubiano bibando na Hulanda.

E segmento, cu tabata forma parti di e programa di PBS News Weekend dia 7 di juli 2024, a enfoka riba dos nacion insular: Tuvalu (na Polinesia) cu e iniciativa di e Tuvalu Digital Nation, y Aruba, cu Coleccion Aruba.

Sigui e link pa lesa mas di e segmento riba e website di PBS: https://www.pbs.org/newshour/show/as-climate-change-threatens-island-nations-some-turn-to-digitizing-their-history, of wak e item via Youtube aki bou: