E schrift di Simon Plats ta data di 1827 y ta warda na Biblioteca Nacional na e departamento Arubiana.
Como cu e schrift tabata dobla y e papel tabata fragil ningun hende por a consulta e documento. Loke tabata tin skirbi den e “schrift” di Simon Plats tabata un misterio.
Pero, cu ayudo di Sr. Ooft, restaurador boluntario na Archivo Nacional Aruba a logra habri e schrift y digitalis’e. Ademas di esey, a haci e documento accesibel por medio di reconocimento di manuscrito.
Otro siman Sr. Ooft hunto cu Sr. Tromp lo restaura e “schrift”, pa asina e siguiente generacionnan por consulta e documento aki.
E schrift di Simon Plats ta relata e ordo y e instruccionnan cu el a duna den e periodo cu e tabata commandeur di Aruba na aña 1827.
Den e schrift ta encontra e straf cu e soldaat Pieter Johannes Dijkhof[f] (1798-1855) a haya riba 8 di maart 1827. Pieter Johannes Dijkhof[f] ta esta e stamvader di tur e Dijkhof[f]nan na Aruba.
