Na Boca Mahos tabata benta desperdicio di waf y tambe carcasnan di bestia cu tabata wordo mata na abbatoir.
Na banda pabou di e boca mahos ainda por wak un rampa unda e dump trucknan tabata yega y dump e desperdicionan den Boca Mahos.
E tiramento di desperdicio na Boca Mahos a conduci cu tribon tabata frecuenta e sitio pa por haya cuminda facil. E piscadornan di baranca di vecindario tabata keha cu e tribonnan tabata stroba nan pisca na e baranca y riba dje nan tabata tin molester di e holo stinki.
Cu tempo a inventa un manera pa pisca e tribonnan den Boca Mahos. Pues, nan tabata span un cabuya den e boca y na e cabuya ta colga liña cu as grandi cu ta colga na e superficie di e lama. Por wak riba e potret aki, e tecnica aki di pisca tribon na Boca Mahos, cual ta procedente di Coleccion Delnoij.
